Díli, 05/03/2023 (LABEH)- xefe Suku Bidau Akadiru Hun, Juvinal Da Conceição, hateten, nia simu informasaun husi Sekretaria estadu Toponomia katak, atu fo informasaun ba komunidade ka Vendedor(KV) hamutuk 100 resin ne’e, komesa ohin bele hamamuk ona fatin ne’ebé mak sira faan sasán ba, maibé sexe suku rasik la hatene los, nia komunidade sira ne’e atu muda ba fatin ne’ebé los
Xefe Suku Bidau Akadiru Hun Lamenta, maske nia seidauk hatene ida klean kona-ba ninia komunidade sira ne’e atu muda ba iha merkadu ida ne’ebé, maibé nia ezekuta orden husi governu hodi fo informasaun ba nia komunidade katak, ohin dader dia 5 fulan Marsu nia rasik tun ba komunidade nia leet hodi hateten ba sira katak, komesa ohin bele hamamuk ona fatin ne’e, no komunidade sira mós rona tiha ona.
“Ha’u seidauk rona informasaun kona-ba atu muda sira ba fatin ne’ebé, ne’ebé ha’u nu’udar sefe suku preukupasaun tebes ba fatin ne’ebé mak seidauk serteza ba sira. I depois ha’u nia komunidade sira atus ida resin ne’e atu ba ne’ebé, tanba ida ne’e mak foin dadauk ha’u mós ezizi nafatin katak, karik bainhira hasai ema husi fatin ida tenki prepara uluk fatin ba sira mak foin bele hasai”.Lideransa komunitária ne’e lamenta, 5/03/2024
Nia dehan, rai ne’ebé mak Vendedor sira faan sasán iha Bidau Akadiru Hun ne’e rai estadu nian, tanba ita hotu hatene katak, uluk fatin ne’e naran fatin sengol husi tempu Bapa sira, depois ita ukun an fatin ne’e mamuk tiha, depois sira mai sukat ida-idak ninian.
Enkuantu objetivu foti dadus vendedor bidau Akadiru Hun nian ne’e, nia dehan la hatene, governu liu husi SEATOU atu fo indeminizasaun ba sira ka lae.
“Ha’u la bele hateten sai kona-ba atu fonindeminizasaun ba sira ka lae, tanba ne’e kompetensia governu nian, no tanba ami la’o tuir de’it orientasaun husi leten, ne’ebé atu (Ganti Rugi) ou lae ne’e ha’u la hatene”. Nia hakotu
Enkuantu jornalista LABEH koko Konfirma atu intervista ho Sekretária Estadu Toponomia, maibé, la konsege fo komentáriu tanba, Sekretáriu preukupa hela atu ba Munisípiu Bobonaro.
Reportajem: Adão da Costa & Honório
