DÍLI, 14/03/2024 (LABEH)- Joven ho naran Romaldo De Jesus,husi munisipiu Manatuto deside hadia telephone, no Honorio Armindo Guterres, husi munisipiu Baucau loron-loron hala’o atividade fa’an sigaru ho pulsa hodi uja ba nesesidade loron-loron nian.
Romaldo De Jesus informa, rendimetu ne’ebe sira hetan, wanhira sorti diak hetan rendimentu ne’ebe di’ak dalaruma mos menus tanba depende ba kliente sira.
“Ami hahu loke lokasi hadia telefoni husi jam 8:30 taka iha 9:00 kalan no hadia telefoni ne’e depende husi ema deit,ema tama barak entaun ami hetan rendimento mos barak no ema ladun tama ami hetan rendimento ne’ebe menus kada fulan ami hetan gaji husi patraun” dehan romaldo, iha kanpung baru comoro, kinta-feira 13/03/2024
Romaldo afirma, maske ajuda ema hodi hadia telfone, maibe agradese tanba bele hetan osan hodi uja ba nesesidade loron-loron nian.
“Osan sira ne’ebe ami hetan uza ba necesidade lor-loron nian ,fatin ne’ebe ami hadia telefoni ne’e fatin ema nian ami aluga fulan ida ($250) no fatin ne’e ami aluga tinan rua atu besik ba tolu ona, difikulidade ne’ebe ami hasoru iha hadia telefoni nian wainhira ami hadia ema nia telefoni sira lori ba tiha uma maibe dala ruma sira mai fali dehan telefoni ladiak fali” nia relata
Iha sorin seluk honorio armindo guterres hateten, faan sigaru husi dadersan to’o kalan hetaan dolar 20 to’o 30, no osan hirak ne’e uja selu karetaa ba kursu no balun hola fali sigaru ho pulsa hodi faan fila fali.
“Hau hala’o negosio faan sigaru no pulsa hahu jam:07 dader to’o jam:09 kalan hetan osan ($.20 -30) no osan sira ne’e uza fali hodi selu bemo ba mai ba kursus no balu hola fila fali sigaru no pulsa hodi faan,”honorio haktuir
Enkuantu Honoriu ho Romaldo husu ba nia maluk joven no estudante sira katak, keta moe atu halo aktividade saida de’it ,tanba husi esforsu-rasik, sei la tane liman ba se de’it ,nune’e mos bele ajuda ekonomia familia nian.
Reportajem: marciana soares &manuela monís
