Friday, July 19, 2024
HomeNEWSAJTL Preukupa Diretora HNGV Nia Karta Sirkular, Ne'ebe Limité Jornalista Atu Halo...

AJTL Preukupa Diretora HNGV Nia Karta Sirkular, Ne’ebe Limité Jornalista Atu Halo Kobertura

Díli, 02/04/2024 (LABEH) – Asosiasaun jornalista Timor Lorosae (AJTL) tersa feira ne’e iha cede ajtl fatuhada dili/  halo Komunikadu imprensa relasiona Diretora hospital nasionál guidu valadares (HNGV) nia  Karta Sirkular ne’ebé limite jornalista sira atu halo kobertura iha Seitor saúde nian

Tuir prezidente AJTL Zevonia Vieira  , AJTL hare katak,karta sirkular ida ne,e hakanek ona liberdade imprensa no liberdade espresaun, tanba ne’e AJTL konta non kondena maka’as karta sirkular husi diretora HNGV ne’ebe diriji ba publiku, midia ka jornalista iha kontestu kobertura no liberdade espresaun, tanba sirkular ida ne’e  la tane prinsipiu boa governasaun iha pais demoktatika Timor-Leste.

“AJTL konsidera katak, karta sirkular ida ne’e ho intensaun atu taka informasaun sira kona-ba prosesu tratamentu saude, I falata aimoruk no mos falta medikamentu sira seluk dadauk ne’e akontese iha HNGV, tanba, kestaun inkapasidade jestor sira HNGV no ministeriu saude nian”. Dehan prezidente AJTL Zivonia Vieira ba jornalista liu husi komunikadu imprennsa iha edifisiu AJTL Fatuhada Comoro Dili, Tersa 02/04/2024

Tanba ne’e prezidente AJTL husu ba diretora ezekutiva HNGV atu dada fila karta sirkular ne’e hodi fo espasu no biban ba midia ka jornalista sira atu halo kobertura iha HNGV no ministeriu saude nian.

Nia husu mos ba provedor direitu humanu no justisa (PDHJ) atu foti medida hasoru karta sirkular refere, tanba impede ona midia ka jornalista nia servisu hodi garante boa governasaun no publiku nia direitu ba informasaun.

“Midia ka jornalista hala’o mos ninia mandatu konstituisional nu’udar haktuir iha artigu 40 no 41 atu garante no hakunu sidadaun hotu nia direitu atu asesu informasaun sein interferensia husi parte ruma”. Nia dehan

Tanba ne’e  nia akresenta, AJTL ne’ebe durante ne’e halo advokasia hodi promove no hametin liberdade imprensa no liberdade espresaun iha pais demokratiku ida ne’e hare katak, karta sirkular husi diretora ezekutiva HNGV hodi bandu midia ka jornalista sira halo kobertura iha HNGV ne’e haktuir iha konstituisaun RDTL Artigu 40 no 41. Tanba ne’e diretora HNGV tenki konsiente katak, ospital nasional ne’e espasu publiku, laos espasu privadu kargu sefia ka governante ruma nian, nune’e bandu jornalista sira atu asesu informasaun liga servisu publiku nian.

Enkuantu iha konferensia imprensa ne’e, AJTL  mos sei lori karta PDHJ, nune’e,  AJTL husu PDHJ  kontinua halo advokasia atu aproxima instituisaun governu no instituisaun públiku sira atu bele konsidera liberdade imprensa no liberdade espresaun.

Reportajem : Adão da Costa,Manuela Moniz

RELATED ARTICLES

Most Popular

Recent Comments