Díli, 09/04/2024 (LABEH)- Ekipa konjunta ne’ebé organiza Sidade sai moos, Saudavél, no seguru iha teritoiu tomak ne’e kompostu husi Ministeriu Administrasun Estatal (MAE), Ministeriu Obras Publikas (MOP), Ministeriu Justisa (MJ),Terras e Propriedade, Ministerio Interior (MI), (PNTL, BomBeiros), Ministerio Defesa (MI), Ministerio Komersiu i Industria (MKI), Ministerio Turismo i Ambiental, Ministerio Trasnporte i Komunikasaun (MTK), Reprezentante Prezidente Autoridade Munisipiu Dili, Administrador Postu iha Munisipiu Dili no Chefe do Suku sira
Portavoz liu husi Sekretáriu estadu Asuntu Toponomia (SEATOU), Germano Santa Brites Dias hateten, IX Governo Konstituisional nia prezenca maka atu hadia ka re-organiza sidade hotu-hotu iha teritorio Timor Leste. Atu garante implementasaun politika Toponímia, Organizasuan Urbana i Higiene no Ordem Publica iha 13 Munisipiu no Autoridade Administrativu Ataúro.
“País Timor Leste konesidu ho nia beleza natureza nebe furak, riku ba biodiversidade marina, maibe problema nebe ita sempre hasoru iha terenu maka lixo lekar iha fatin hotu-hotu, okupasaun ilegal ba espasu publiku, problema inundasaun, valeta ka esgotu nakonu ho rai no foer, estrada protokolu sira iha capital sai fali fatin hodi para kareta no motor privado, mercado nakfila ba hela fatin permanente, uma hari”i iha mota ninin no fo risku ba vida moris humanu nian”. Dehan Sekretariu SEATOU Germano Santa Brites Dias ba jornalista liu husi komunikadu imprensa iha edifisiu MAE Caicoli, Tersa 09/4/2024
Tanba ne’e SEATOU konsidera ba baze legal sira hanesan;
1. Decreto-Lei N.93 /2024 de 17 de Janeiro Primeira alteração ao Decreto-Lei N.33/2008, de 27 de agosto, sobre Higene e Ordem Públiku;
2. Decreto-Lei N.P51/201 6, 28 de Dezembro – Licenciamento Mensagens Publicitarias;
3. Decreto-Lei N.P 2/2017, 22 de Março- Sistema de Gestão de Residuos Solidos Urbanos
4. Decreto-Lel N, 3/2017, 22 de Março Regime das Zonas de Estacionamento de Duração Limitada.
Nia hatutan, bainhira Atu alkansa mehi ida ne’e, ekipa konjunta sei hala’o servisu sira hanesan, primeiru mak SEATOU Hamutuk ho Autoridade Munisipais sira hotu atu organiza vendedores sira ne’ebé faan iha estrada ibun no muda ba mercadu, depois Segundu, Hamutuk ho Autoridade Munisipais hotu-hotu, atu halo inspesaun iha terenu hodi normaliza fila fali trotoar sira ne’ebé sobu, halo konstrusaun iha valeta leten nomós utilizasaun espasu publiku la tuir nia funsaun, no Hamutuk mos ho Autoridade Munisipais sira halo fiskalizasaun/inspesaun iha terenu tuir servisu instituisaun ida-idak nian.
Enkuantu hakarak hato’o ba públiku katak ekipa konjunta ida ne’e servisu iha terenu hahú ohin loron Objetivu prinsipal husi forma ekipa konjunta ida ne’e maka atu Organiza Sidade lha teritóriu Tomak ho nia sentidu: Moos, Organizadu, Saudavél no Seguru.
Reportajen Adão da costa ,eufrasia da costa
