Friday, May 24, 2024
HomeNEWSTimor Oan 30 Sei Aranka Ba Korea Do Súl Semana Ne’e

Timor Oan 30 Sei Aranka Ba Korea Do Súl Semana Ne’e

Díli, 17/04/2024  (LABEH) –  Servisu nain Timor – an nain tolu nulu (30) ohin despede tan husi Sekretáriu Estadu Formasaun Professionál Empregu (SEFOPE)  hodi desloka ba Korea do Súl iha loron domingu semana nee.

Iha serimonia despedida SEFOPE husu ba servisu nain sira atu servisu ho diak no hatudu prestasaun diak, nune’e bele hamorin nafatin Timor-leste nia imajem liu husi sira nia prestasaun diak hodi hametin nafatin konfiansa entre rai rua ne’e.

Tanba ne’e Reprezentante Sekretariu Estadu Formasaun Professionál Empregu (SEFOPE), xefe  gabinete SEFOPE, Jacinto Ribeiro hateten, ba servisu nain sira nébe mak ohin hetan ona legalidade husi governu husu atu ba servisu iha Korea do súl atu labele ses an husi sistema, nune’e labele prejudika servisu koperasaun bilaterál entre pais Timor-Leste ho nasaun desenvolvidu sira.

Konfiansa nafatin ba servisu nain sira atu ba servisu iha neeba reprezenta nafatin imagem Timor leste nian liu husi atributu ne’ebe mak Falun ona sira nia-an nee atu labele hamonu iha ema nia Rain.

“Imi ba ho sistema hela iho sistema moris ho sistema toba ho sistema nébe servisu ho diak depois fila fali mai Timor leste mos ho sistema nébe servisu iha ema nia Rain kuidadu imi nia an kuidadu atributo Timor leste nian nébe imi hatais hodi hatudu imagem Timor leste nian Iha ema nia Rain hodi la bele hamihis koperasaun entre Timor leste ho Korea sul”katak Reprezentante sefope, sefe gabinete sefope, Jacinto Ribeiro ba jornalista iha salaun cenai becora quarta 17/04/2024

Reprezentativu nee nafatin informa ba servisu nain sira nébe mak atu aranka ba iha semana nee tenki kumpri ba lia fuan sira nebe mak  sira halo promessa ona ho estadu no mos família.

Liu husi promessa nee hodi garante nafatin servisu nain sira nia desijaun bainhira  sira atu deside hases An husi sistema.

 “Se imi ba servisu mak imi halai sai husi sistema tanba lia fuan nebe mak ohin imi halo promessa ona ho estadu Timor nee se imi lá kumpri ba lia fuan sira nee signigika katak imi rásik hamonu dignidade Timor leste nian Iha ema nia Rain depois estadu lakon komfiansa no família sira mós lakon bot ba imi nia susesu” tenik nia

 Serimonia despedida nee servisu nain sira hamutuk na’in tolu nulu(30) lá ejiste husi feto no servisu nain sira nee ba servisu iha área peskas nian, tuir orario ne’ebe mak sira atu aranka ba Korea, sei monu  iha loron 21/04/2024  Domingo  semana nee.

Reportajen: Abrão da Costa

RELATED ARTICLES

Most Popular

Recent Comments