Díli- 01/08/2023 ( LABEH ) – Cezário fransisco freitas, nudar joven ida, no hanesan estudante ne’ebe dadaun ne’e hala’o nia estudu iha universidade da paz (UNPAZ) ba jornalista radio labeh, ohin iha largo de licidere, informa, nunka moe fa’an hala’o nia atividade negosiu hanesan fa’an nu iha dalan ninin, nune’e hetan netik osan hodi hatan ba nesesidade familia nian,no apoiu nia estudu.
Tuir negosiante Cezario hateten, nu’udar joven ida nunka moe atu fa’an nú, hakarak buka rasik osan, tamba ne’e keta moe hala’o negosiu imporante bele hetan netik osan, nia salienta nú ne’ebe nia faan atu folin depende sorti deit.
“Hau nu’udar joven ida nunka moe ba ida ne’e , tamba osan ne’e labele moe hodi faan sasan atu faan saida deit labele moe, ita nia moris buka osan ne’e labele moe, no nú ne’ebe ami faan depende sorti deit se ema hola makas liu hetan rendimento vinte hanesan ne’e , maibe ema fa’an nú barak dala ruma ami hetan des tun mai kraik,”negosiante cesario fransisco freitas hateten wainhira hala’o hela negosiu fa’an nú.
Nia hatutan, osan ne’ebe hetan husi rezultadu fa’an nú, uza selu nia estudu no alin sira nia eskola, no mos uza ba transporte loro-loron nian.
“Osan ne’ebe hetan husi fa’an nú ne’e diak ida uza selu ba eskola, diak ida ajuda mos selu alin sira na eskola no mos balu troka halo rahun hodi selu bemo,” nia salienta
Entertantu negosiante Cezario Fransisco husik hela família iha munisípiu baucau hodi mai hala’o negosiu iha kapitál nasaun tan deit futuru mak obriga .
REPORTAJEN: MARCYA SOARES
