Friday, July 19, 2024
HomeActivitiesCNC Ho ACBIT Asina Nota Entendimentu Iha Area Kapasitasaun Ba Sobrevivente Vuneravél...

CNC Ho ACBIT Asina Nota Entendimentu Iha Area Kapasitasaun Ba Sobrevivente Vuneravél Sira

Díli-0/08/2023( LABEH)- Centru Nasionál Chega . Ip asina nota entendimentuho Asosiasaun Chega ba Ita  (ACBIT) ne’ebe  ohin, tersa-feira  hala’o iha centro nasional  chega antigo comarka balide.

Objetivu husi nota entendimentu ne’e atu fo formasaun ba sobrevivente sira iha area negosiu nian,   nune’e sira bele produz rendimentu uma kain.

Tuir diretor ezekutivo  chega, Hugo Maria Fernandes, hateten ,Centru nasional chega ip asina nota entendimentu ho asosiasaun chega ba ita acbit hodi bele apoiu malu iha implementasaun atividade relasiona ho apoiu ba sobrevivente sira husi vítima  violasau direitus humanus passadu nian .

“ Ohin introdusaun hato’o ona katak parseria ida ne’e hodi bele apoiu chentru chega iha prosesu elaborasaun programa atividade sira ne’ebe mak mai ho aproximasaun bazeia ba vítima sira nia nesesidade , liu- liu vítima husi violasaun direitus humanusa iha pasadu nian. Liu -liu ba apoiu tratamentu saude, apoiu finanseiru  atividade ekonomia ne’e mak sobrevivente sira bele halo para sira bele sobre vive duni, labele dependensia ba familia, maibe husi inisiativa no iha abilidade rasik,’’ nia dehan.

Iha fatin hanesan diretora ACBIT, Manuela Leong Pereira, afirma ,Hanesan organizasaun ida ne’ebe servisu  kleur  ho vítima  no sobrevivene sira husi passadu, sira nia situasaun presiza tebes iha apoiu no mos iha aproximasaun oioin,  barak liu hela iha area rurál ne’ebe dok husi asesu apoiu programa governu no instituisaun nian.

“ Ami servisu hamutuk durante ne’e hanesan pasu ida ne’ebe lao neik –neik,  maibe ita hare katak sai forte liu tan, ida ne’e mos hanesan konfiansa ida ne’ebe fo ba ami husi oraganizasaun non governamental, atu bele sai parseiru ne’ebe servisu mos apoi ba ida ne’e. Durante ne’e,  ami nia knar lao ho diak liu- liu oinsa atu halo sira hakarak koali , tanba maioria barak mak feto ne’ebe lakoi koalia  liu-liu  ba vítima violasaun sexual sira, entaun prosesu sira ne’e hala’o ho nei – neik , agora  ema barak hakarak koalia, no mos servisu hamutuk durante ne’e liu husi apoiu ne’ebe ami hetan husi cnc, apoiu pontual, apoiu ba uma , apoi ba negosiu no mos fo apoiu bolsa estudu sobrevivente sira nia oan,” nia afirma

Enkuantu iha ambitu  asina nota entendimentu ne’e, lidera husi diretor ezekutivu CNC no  diretora ACBIT  inklui ekipa sira.

Reportajen: EUFRASIA DA COSTA NIA REPORTAJEN

RELATED ARTICLES

1 COMMENT

LEAVE A REPLY

Please enter your comment!
Please enter your name here

Most Popular

Recent Comments