Díli 02-08-2023 (LABEH) – Sejuela Soares ho nia bin, iha idade sanulu resin, husi munisipiu viqueque , postu administrativu uatolari, ne’ebe daudaun ne’e hela ho nia tian iha díli, sempre jere nia tempu dader ajuda nia tian ba fa’an nasi kotak, no lorokraik ba eskola.
Maske dala balun senti kolen, maibe Pasensia Fa’an Etu Hodi hetan netik osan, tanba dok husi nia inan,aman , no familia ne’ebe dadaun ne’e sira hela ba , ladun haree sira ho diak, bainhira la ajuda fa’an nasi kotak, Lia Hirak Ne’e Hato’o Husi Sejuela Soares Ba Jornalista Radio Labeh Kuarta-feira Horiseik Iha Largo Lesidere.
Sejuela Soares , hateten, maski ho idade ne’ebe kiik, maibe nia tenki ajuda nia tian fa’an etu(nasi kotak) nune’e hetan osan hodi kontinua hola fali sasan ruma bele faan fila fali, Nia hanoin atu lakohi fa’an, maibe bainhira sira la fa’an , familia nebe sira hela ba, haree sira la dun diak, tamba dok husi inan aman, nune’e pasensia fahe tempu ba eskola no atividade negosiu.
“Ajuda tian fa’an etu, tamba tian mesak ne’e mak ami ajuda fa’an no osan ne’ebe mak ami hetan iha loron ida , dala ruma hetan tiga puluh dolar, lae mos duapuluh hanesan ne’e, osan sira ne’e uza hodi hola fali kafe, bee, akua hodi fa’an fila fali, karik ami la fa’an familia sira hare ami ladiak no hirus hela deit, tan ne’e hau ho bin pasensia sai ba fa’an etu, maibe etu hotu, entaun sira hare ami diak, maibe etu la hotu familia sira haree ami ladiak, maibe ami pasensia deit, tamba ami nia inan aman sira iha foho hotu,”nia dehan.
Entretantu bainhira jornalista radio labeh , hakarak dada lia ka entrevista ho sejuela nia bin, maibe ho oin hamnasa nakonu ho moe, nune’e Sejuela nu’udar alin , mak fo informasaunm kona ba sira nia atividade loron-loron hanesan hala’o negosiu fa’an nasi kotak, lori hale’u largo lecidere, nune’e hetan netik rendimentu .
Reportaje: Marcia soares
