Dili – 27/09/2023 (LABEH ) – kuarta-feira ne’e, iha salaun Centru Nasionál Chega (CNC ) Sekretáriu Estadu Arte No Kultura (SEAK) , hala’o aktividade kompetisaun diskursu públiku ba estudante sira husi reprezentante eskola sekundária jerál no vokasionál balun iha díli, ho tema “papel foin sa’e iha mundu literasia iha timor-leste “, hodi promove kultura no hasa’e kapasidade estudante sira nian, iha area edukasaun nian
Iha entrevista estudante, Arnaldo Horta, husi eskola sekundária, São Pedro comoro hateten, agradese ba Sekretáriu Estadu Arte No Kultura ne’ebé maka loke ona kompitesaun diskursu públiku ho nia tema “Papel Foin Sa’e Iha Mundu Literasia Iha Timor-Leste” atu nune’e promove liu tan kapasidade iha area edukasaun liu-liu literasia hodi bele promove lian no prepara an iha futuru
“Sente kontenti hanesan estudante ida bele partisipa iha kompetisaun ida ne’e, atu promove liu tan kapasidade iha area edukasaun liu–liu iha literasia, hodi nune’e bele promove lian no prepara an atu sai hanesan lideransa ida ne’ebé diak iha future. Hau nia preparasaun ba kompetisaun ida ne’e mak emprimeriu hau prepara hau nia papel do diskursu ka atu deskreve ka hanesan ita hatene diskursu no hau presiza hakerek konseitu hotu ne’ebé mosu husi hau nia hanoin no mos husi livru no matenek nain hirak ne’ebé mak hau lee no mos hau hatene, hodi nune’e bele sai hanesan xave no mos bele sai hanesan referensia ida mai hau, atu nune’e bele apresenta ho diak hau nia deskursu ba loron kmanek ida ne’e ” dehan estudante Arnaldo Horta
Iha sorin seluk estudante eskola Kolejiu Santo Inacio De Loyola, Cherly Amali Rolandu Amaral, haktuir, kompetisaun ne’e sai hanesan ondra boot ida no sente orgullu tebes, tamba eskola bele hili ona nia hodi reprezentante ba tuir kompetisaun ida ne’e, no agradese mos ba ekipa komisaun organizadora ne’ebe mak organiza ona kopetisaun ba diskursu ida ne’e
“Iha kompetisaun ida ne’e kona-ba literasia, entaun ida ne’e foka liu ba parte sosiais nian ne’ebé maka ita bele liga ba Papel Foin Sae Iha Mundu Literasia Iha Timor Leste Nian.No iha diskursu ida ne’e bele aumenta tan ita nia kapasidade oinsa ita atu koalia iha oin no oinsa ita atu koalia bele atrai ema seluk, ligasaun ho papel foin sae iha timor –leste, tamba literasia ne’e importante tebes liu husi ita foin sa’e sira, tamba ita hatene katak foin sa’e ne’e mak hanesan ajente ba mudansa husi nasaun ida nian, entaun atu halo literasia dezenvolve liu tan presiza papel fundamental husi foin sae sira nian” Nia haktuir
Iha kompetisaun diskursu públiku ne’e, lansa ofisialmentu husi Sekretáriu Estadu Arte No Kultura
Alende ne’e mos atividade hetan partisipa husi,diretor nasional bibloteka, diretor jeral arte no kultura, tim juri, estudantes inklui konvidadu sira
Reportajen: Madalena, Marcia
