Díli -11/10/2023 (LABEH)- Kuarta-Feira ne’e, Iha Galeria Memoria Viva (Gabinete Ex-Titular) Faról, Xefe Estadu, José Manuel Ramos Horta hasoru malu ho Reprezentante International Finance Corporation(IFC) No Banku Mundiál, hodi diskuti kona- ba dezenvolvimentu ekonomia iha timor leste nian
Iha intervista reprezentante IFC iha timor-leste, David Freedman, hateten, enkontru audénsia ho Prezidente Repúlika hodi diskuti planu konferénsia kona- ba dezenvolvimento ekonomia no oinsa atu kopera hamutuk ho governu hodi promove investimentu iha timor
“Ohin ami nain rua, reprezentante husi Banku Mundiál no IFC, marka enkontru audénsia ho Prezidenti Repúblika atu diskuti planu atu hala’o konferensia kona-ba dezenvolvimento ekonomia nian no oinsa ita bele kopera hamutuk ho governu atu promove investimentu iha timor, promove investimentu liu husi setór privadu, atu atinje governu nia objetivu hodi halo diverfikasaun ekonomia, ami nia obervasaun katak husi parte estadu finansas nian, governu iha rekursus liu husi fundu no setór bankaria no finanseiru atu atinje objetivu empreza mo bele hatene asesu finanseiru,” reprezentante IFC, David Freedman, dehan
Iha fatin hanesan reprezentante Banku Mundiál iha timor leste, Bernard Harborne, afirma husi banku mundial nota katak ekonomia kresimento lao hela , maibe preokupa katak taxa kresimentu la to’o, tan ne’e husi governu no entidade sira tenki buka oinsa atu hasa’e kresimentu ekonomia iha tl
“Husi banku mundiál sira nota katak ekonomia no kresimentu lao hela, maibe tempu ami preokupa katak taxa kresimentu ne’ebe karik la to’o entaun governo mos husi entidade sira buka oinsa ita atu hasa’e kresimentu ekonomia mos atu hasoru dezafius desenpregu ne’ebe akontese daudaun ne’e,” reprezentante banku mundial iha timor leste, Bernard Harborne, afirma hafoin remata audénsia ho Xefe Estadu iha Galeria Memoria Viva (Gabinete ex-titular) Faról Díli
Entertantu iha sorumutu ne’e, partisipa husi Prezidente Repúblika Timor-Leste, reprezentante Banku Mundiál Timor Leste, reprezentante International Finance Corporation
Reportajen: Marciana Soares, Aida
