Sunday, April 14, 2024
HomeNEWSTL Selebra Loron Nasionál Juventude, Masakre Santa Krús 12 Novembru 1991,Ba Dala...

TL Selebra Loron Nasionál Juventude, Masakre Santa Krús 12 Novembru 1991,Ba Dala 32

Díli- 12/11/2023 (LABEH) – Timor-leste ,  Selebra Loron Nasional Joventude Masakre Santa Cruz  12 De Novembro Ba  Dala 32 ne’ebe monu iha loron  12 fulan novembro 2023, iha ne’ebe domingu foin lalais ne’e   iha santa kruz dili

Iha diskursu vice ministru, Mariano Asanami Sabino, hateten, loron 12 de novembru laos atu feriadu iha uma, maibe loron ne’ebe atu selebrasaun hodi hanoin hikas fali restos mortais sira ne’ebe mak luta ba rai doben ida ne’e

“12 de novembru laos atu feriadu hodi hela iha uma, loron para mai hamutuk hodi Selebra misa hanoin hikas fali koalia bebeik kona -ba formasaun karakter, maibe la fo importansia ba loron sira ne’ebe importante, loron 28 de novembru loron 20 de agustus, ita halo feriadu joven sira ba pasiar laos hanoin hikas, tambasa mak loron ne’e importante,tamba ne’e nu’udar vice primeiro ministru,ministru kordenador  ba asuntu sociais ne’ebe tau matan ba joventude,edukasaun  ba ensinu superior, hau sei orienta katak hahú ohin ba oin Selebrasaun sira laos feriadu ba joven sira hodi pasiar tiha hodi la eskola, maibe iha ida-idak nia fatin eskola iha fatin sira ne’ebe publiku tenki mantein, mai para hodi halo refleksaun katak ita la’o to’o ona iha ne’ebe, tamba ne’e ohin hau hakru’uk hodi hanoin hikas resto mortais 12 de novembru ne’ebe mak ita seidauk konsegue halibur ho familia 12 de novembru nian, tamba unidade importante tebes,” vice ministru, Mariano Asanami Sabino, hateten

Vice primeiru minitru, haktuir ,iha rai lulik ida ne’e laiha ema ida atu sama no sobu ema seluk nia liberdade no halo violensia  hodi kontra eroi sira nebe mak fakar ran ba rai doben ida ne’e

“Tamba rai lulik ida ne’e laiha ema ida sama ema nia liberdade laiha ema ida sobu ema nia liberdade laiha ema da sunu ema nia uma laiha ema ida halo violensia ne’e halo traisaun ba eroi sira tamba sira sosa liberdade fakar ran mak foin hetan paz,mensagen ba 12 de novembro ida ne’e loron ne’ebe diterima oferese ba joven sira ba ohin no aban bain rua nian ba juventude asuwain sira hodi kontinua nafatin eroi sira nia ain fatin hodi kontinua ba rai doben ida ne’e, “asanami salienta

Iha fatin hanesan prezidente komite 12 de novembru,  Gregorio Saldanha “Mouris”  afiema, katak husu ba katuas,labarik no ba ema hotu atu hakru’uk hodi husu deskulpa ba eroi sira ne’ebe mate, tamba luta ba rai doben ida ne’e

“Husi katuas,labarik to’o ema bot sira atu ita hakru’uk husu deskulpa ba matebian sira uluk, liliu matebian sira ne’ebe mate ohin loron nian ba dala 32 karik iha tempu naruk nia laran halo buat ruma la los karik atu nune hodi hadia fali no agradese ba eroi sira fo vida atu nune ita mos iha vida konvidual vida estado timor-leste promete liu-liu joven sira atu hadia hahalok sira hotu inklusialmente hodi hapara violensia no krime sira ne’ebe mak sei buras hela iha rai ida ne’e,” prezidente komite 12 de novembru,  Gregorio Saldanha “Mouris”  haktuir

Komemorasaun loron nasionál juventude, masakre santa kruz, 12 novembru ne’e hetan partisipa husi eis primeiru ministru,vice primeiro ministru,prezidente komite 12 de novembru, lideransa PNTL no F-FDTL,familias erois , konvidadus no media sira

Reportajen: Marcya , Mada

RELATED ARTICLES

Most Popular

Recent Comments