Sunday, April 14, 2024
HomeNEWSNegosiante Bidau Husu Governu,  Prepara Uluk Fatin Antes  Muda Sai Vendedor Sira

Negosiante Bidau Husu Governu,  Prepara Uluk Fatin Antes  Muda Sai Vendedor Sira

Díli, 4/03/2024/ (LABEH) – Negosiante iha merkadu Sengol Bidau akadiruhun, husu governu liu husi Sekretáriu Estadu Toponomia, katak, molok  atu hasai ka muda sira husi sira nia fatin, governu tenki kria uluk fatin ne’ebé mak dignu ba sira, atu nune’e bainhira hasai sira sai mós kontinua hala’o sira nia aktividades hanesan baibain.

Portavoz Negosiante bidau, Manuel Sarmento hateten, mais ou menus governu prepara kondisaun ne’ebé dignu ba negosiante sira iha bidau akadiruhun, depois mak hasai sira, atu nune’e sira mós bele hakmatek iha fatin ne’ebé mak seguru ba sira.

“Ami nia ejijensia mak, pelu menus governu prepara kondisaun ba ami, ne’ebé bainhira sira seidauk prepara kondisaun fatin ne’ebé seguru ba ami derepenti sira mai hasai ami, entaun ami atu ba iha ne’ebé los”. Dehan Portavoz negosiante bá jornalista liu husi komunikadu imprensa iha Bidau akadiruhun, Segunda ne’e 4/03/2024.

Nia dehan, tanba sa povu kiik hili tiha nai ulun sira sai bo’ot,  duni povu kiik sira hanesan balada fuik, tanba ne’e nu’udar negosiante la konkorda ho desizaun governu nian ne’ebé mak sira halo.

“Ami povu kiik sira vota nai ulun sira atu tau matan ba ami povu kiik sira, maibé nai ulun sira duni ami hanesan balada fuik ne’e ha’u la konkorda, ne’ebé di’ak liu mai oho tiha de’it ami mak hasai ami husi fatin ne’e”. Nia dehan ho halerik

Negosiante  ne’e mòs salienta, sira bele sai husik fatin ne’e agora ka aban, maibé, sira husu governu, Liu-liu sekretáriu estadu Toponomia tenki kria kondisaun, hadia merkadu ne’ebé mak diak, depois hatudu fatin ba sira.

Iha sorin seluk hanesan negosiante Sengol Bidau Julio Xavier hateten, desizaun ne’ebé hatun husi governu relevante ne’e la klaru ba sira, ne’ebé foin dadauk sira lori ho ekipa ida hamutuk ho sefe suku Bidau akadiruhun mai hasai foto ba fatin negosiante ne’e, no negosiante sira husu katak, imi mai husi ekipa ida ne’ebé, maibé ekipa sira ne’e la hatan no sira hasai foto de’it.

“Ami tama hasai foto de’it, to’o tempu desizaun tun mak ami hasai imi ne’e ami hasai ona”. Nia haktuir

Tanba ne’e negosiante husu ba sira katak, atu hasai sira mós tenki bazea ba Karta legál ruma ba sira, tanba sira hela iha ne’ebá durante tinan barak ona.

“Imi tenki halo Karta notifikasaun ruma ba ami para depois grafiku ka dezenu ba fatin ne’e atu hodi halo saida los, ne’ebé ida ne’e tenki klaru ba ami para ami sai ema seluk la bele monta fali iha ami nia fatin, se lae ami bele oho malu”. Nia hakotu

Reportajem: Adão da Costa & Honório Guterres

RELATED ARTICLES

Most Popular

Recent Comments