Sunday, April 14, 2024
HomeNEWSSemana ne'e Uma Kain 17 Mak Afetadu  Ba Dezastre Naturais

Semana ne’e Uma Kain 17 Mak Afetadu  Ba Dezastre Naturais

Díli, 11/03/2024 (LABEH)- Portavoz Autoridade Protesain Sivil (APC), João de Sousa Filipe hateten, sira rekolla dadus ba semana ida ne’e uma kain hamutuk 17 mak afeta  ba dezastre naturais (DN) husi munisipiu sira.

Portavoz ne’e haktuir, APC rejista iha uma kain hamutuk sefe familia 17 mak faeita ba dezastre, no dezastre ne’ebé mak iha, Liu-liu iha Munisípiu mak hanesan, Munisípiu Aileu anin sobu uma kain 5, Ataúru anin sobu uma kain 2, Baucau anin sobu uma kain 4, Covalima uma kain 1, Érmérá ahi han uma kain 1, Manufahi be tama komunidade nia uma ka estragus uma iha uma kain 5,  RAEOA iha uma kain ida mak anin sobu,ne’ebé komandu APC ho parseiru sira nafatin servisu hamutuk halo apoiu ou levantamentu dadus ba akontesimentu ne’ebé mak mensiona ba.

Nia salienta, akontese ne’ebé mak iha katak, lixu monitorizasaun APC servisu hamutuk ho DMG katak, husu ba meteorolojia ne’ebé mak iha, husu nafatin ba komunidade sira atu kuidadu no hases an husi fatin risku ne’ebé mak iha, hanesan mota ninin, foho lolon, ai hun bo’ot, no Liu-liu ba sira ne’ebé mak eletrisidade ilegal. Tanba ida ne’e mak sempre sirkuitu ka hamosu ahi han uma.

“Dadus ba semana ida ne’e anin sobu komunidade nia uma mak primeiru lugar, tanba anin sobu uma iha semana ida ne’e hamutuk uma kain 11, akontesimentu segundu lugar mak be sa’e ka tama uma, no terseiru mak ahi han uma”. Dehan João de Sousa Filipe ba jornalista iha Salaun APC Caicoli, segunda 11/03/2024

Aleinde ne’e nia dehan, akontesimentu ne’ebé mak oras ne’e dadaun iha semana ida ne’e akontesimentu dezastre ho tipo tolu de’it, mak hanesan, tipu primeiru mak anin Boot, be sa’e, no ahi han uma. Ne’ebé akontesimentu ne’ebé mak iha postu ka inskrisaun ne’ebé mak iha postu administrativu sira.

Enkuantu dezastre ne’ebé mak akontese iha Munisípiu mak hanesan,  iha Munisípiu Aileu postu administrativu Aileu Vila no Remixiu, Baucau mak akontese dezastre iha postu Baguia no Baucau vila, Ataúru mak iha Ataúru vila, Covalima akontese iha postu fohorem, Érméra mak akontese iha postu hatulia A, RAEOA akontese iha postu Pante makasar.

Entretantu ba akontesimentu hirak ne’e, dadus ne’ebé mak APC identifika katak, uma kain 17 ne’e, komandu APC iha munisípiu ho parseiru sira apoiu ona emerjensia.Dezastre ne’ebé mak akontese iha munisípiu, la presiza husi nasionál mak haruka ba, maibé, iha Munisípiu Atendimentu imediatamente kedan, katak, ohin akontese sira responde kedas  imediatamente ba ita nia komunidade sira ne’ebé Afetadu dezastre.

Reportajem: Adão da Costa & Anito da Silva

RELATED ARTICLES

Most Popular

Recent Comments