Sunday, April 14, 2024
HomeNEWSUNFPA Apoiu Sentru Saúde 4, Atu Atende Sobrevivente Sira

UNFPA Apoiu Sentru Saúde 4, Atu Atende Sobrevivente Sira

Díli, 08/03/2024 (LABEH)- Ministra Saúde (MS) Elia dos Reis Amaral hateten, United Nations Population Fund (UNFPA) apoiu ona sentru saúde 4 hodi bele atende ba sobrevivente sira, ne’ebé dadaun ne’e estabelese ona fatin seguru iha sentru saúde internamentu Viqueque, Gleno, Liquica, no Atabae Munisípiu Bobonaro.

MS haktuir, Oras ne’e, ita nia profesional saúde balun simu ona formasaun husi Instituto Nasional de Saude Publiku Timor-Leste, ne’ebe mak hetan apoiu husi UNFPA, no Ita nia pesoal sira ne’e iha kapasidade atu identifika no fo atendimentu ba sobrevivente sira iha fasilidade saúde.

“Ita mos estabelese ona fatin seguru iha sentru saúde internamentu Viqueque, Gleno, Liquisa no Atabae. No mós Iha tempu badak, ita sei inagura tan fatin seguru iha Dili, Baucau, Lautem no Covalima, entaun Ita estabelese ona sistema infomasaun saúde ba Violência bazeia ba Jéneru”. Dehan nia hafoin realiza semináriu ba loron internasionál feto iha City8 manleuana, Sesta 08/03/2024

Aleinde ne’e, Nia mós rekoñese katak, esforsu hirak ne’ebé  halo ne’e seidauk sufisiente ba nia sobreviveente sira.

“Hau mos rekonhese katak esforsu hirak nebe ita halo ne’e seidauk sufisiente ba ita nia sobrevivente sira. Ita presiza halakon bareira sira iha fasilidade saúde hanesan: barreira atitude, barreira komunikasaun, bareira fizika. Nune’e bele tulun sobrevivente hot-hotu, liu-liu grupo marjinalizadu sira, ema ho defisiensia, feto no labarik sira iha area rurais, no ita nia komunidade LGBTI, atu simu       kuidadus saúde de-kualidade nebe sira presiza”. MS rekoñese

Iha fatin hanesan reprezentante UNFPA, Domingas Bernardo hateten, ohin loron UNFPA sei la husik MS mesak, ne’ebé Sira suporta MS, para bele ajuda MS atu integra programa fornese servisu saúde ba vitima sira ne’ebé mak hakarak asesu ba sentru saúde sira ne’ebé mak sira temi dehan fatin seguru, entaun iha ne’ebá sira bele hetan Tratamentu ho dignu, konfidensial, i no mós sira bele refere ba fatin ne’ebé mak sira presiza.

“Ami nia ajuda ne’e nia pakote komprensivu, hanesan ami hadia fasilidade, harii fatin seguru, Fo treinamentu, tau ekipamentu, para pesoal saúde sira bele servisu ho di’ak, no fornese ho kualidade tuir protokolu ne’ebé MS nian iha”. Nia esplika

Nia dehan, Ministeriu saúde hakarak atu harii fatin seguru iha Munisípiu hotu-hotu, ne’ebé agora dadaun ne’e ita iha ona fatin seguru hat, no sei iha tan hat atu lansa.

Responde ba Violência Bazeia ba Jéneru, la’os deit imperativu moral, maibe, esforsu koletiva ida nebe cabe ba hotu-hotu nia responsabilidade, husi setór hot-hotu no parseiru sira hotu. Mai, servisu hamutuk hodi kria sosiedade ida nebe seguru no saudavél.

Reportajem : Adão da Costa & Eufrazia da Costa

RELATED ARTICLES

Most Popular

Recent Comments