Díli -10/09/2023 (LABEH) – ba jornalista LABEH, negosiante sira husu nuno governo fo livre no tau matan ba sira ne’ebe faˈan iha dalan ninin,lia hirak ne’e hato’o husi negosiante sira ne’ebe fa’an modo iha roda tolu, inklui vendedora kioke, segunda –feira foin lalasi ne’e iha auhun becora díli.
Ba jornalista radio labeh, negosiante, Simões Tilman haktuir, fa’an modo importante tebes hodi kria servisu ba an rasik,atu nun’e’e hetan osan hodi sustenta moris lor-loron nian.
“Hau nia aktividade fa’an modo importante tebes mai hau, hodi halo rasik negosiu, no osan ne’ebe hetan husi rejultadu fa’an modo dader to’o kalan hetan dolar tolu nulu (30) atu nune’e hodi sustenta moris lor-loron nian,”nia hateten
Iha fatin hanesan vendedor, Elias Mendonsa, hateten,husu nuno governo fo livre no tau matan ba negosiante sira ne’ebe mak hala’o negosiu iha dalan ninin, atu nune’e buka netik osan hodi sustenta nesesidadde familia
“Ami husu nuno governu fo livre no tau matan mai ami negosiante sira ne’ebe mak faan iha dalan ninin atu nune’e ami bele buka rasik osan rahun balu hodi sustenta nesecidade famila nian,”nia dehan
Iha sorin seluk negosiante, Maria Borges, afirma,sasan ne’ebe fa’an hanesan kafe,dosi,bee no sasan seluk tan, faan husi dader to’o kalan, hodi nune’e bele hetan netik osan, atu suporta oan no familia sira ba eskola inklui han hemu loron-loron nian.
“Sasan ne’ebe mak hau fa’an hanesan dosi,bee,kafe no seluk tan husi dader to’o kalan hetan netik osan hodi suporta oan no familia balu ba eskola no mos uza ba han hemu loron-loron nian,”nia hakotu
Aliende ne’e negosiante sira, nafatin husu ba nuno governu,atu fo livre ba sira hodi hala’o sira nia negosiu iha dalan ninin, tamba iha merkadu ema barak liu.
Reportajen: MS