Díli, 13/03/2024(LABEH)- Sekretario Estadu Formasaun Professional Emprego ( SEFOPE) Rogério Araújo Mendonça hamutuk ho diretor jerál kompania Madec Austrália Louise Williams ho nia ekipa sira hahú halo teste ba kandidatu Timor-oan nain 480 nébe mak atu ba servisu iha Austrália.
Iha diskursu sekretariu Estadu Formasaun Professional Emprego (SEFOPE) Rogério Araújo Mendonça hateten, objetivo husi teste ne’e ba kandidatus nain 480 ne’e atu prepara sira nia-an didiak, nunee bele ba servisu iha Austrália.
Iha ambitu nee kompania Madec husi empregador Austrália mak direitamente mai halo teste no sukat trabalhador sira nébe mak iha kapasidade, abilidade no mos komportamentu tamba nee governo liu husi SEFOPE koragem nafatin ba trabalhador sira atu presta nafatin sira nia mentalidade fizikus no saúde nune’e bele ba servisu iha nasaun vizinu Austrália.
“Objetivo Ohin atu hateten deit katak preparasaun ba halo rektutamentu ba kandidatus 480 husu ba Itá bot sira tenki prepara Itá bot sira nia an ho didiak, Ohin kompania sira mai iha nee atu sukat imi nia kapasidade atu sukat imi nia abilidade atu sukat imi nia kompetensia no atu sukat mos imi nia atetude” dehan sefope Rogério Araújo Mendonça iha nia diskursu hafoin partisipa iha ambitu teste trabalhador sira iha Novo Turismo Quarta feira 13/03/2024
Tanba ne’e IX governo konstituisional liu husi Sekretariu Estadu Formasaun Professional Emprego (SEFOPE) apresia tebes ba kompania Madec tanba durante ne’e halo ona teste ba Timor oan hamutuk na’in 500,000 no bele iha nafatin komfiansa ho governo Timor leste hodi fornese tan Timor oan nain 480 mak atu ba servisu iha Austrália.
Tanba ne’e, Liu husi koperasaun entre empregador Austrália ho governo Timor leste nee ho obejitvo ida atu luta ba numeru pobreza nian Liu Liu ba jovem sira nébe mak hakarak atu hadia moris relasiona ho kampu servisu Nebe mak iha rai laran menus nune’e difisil tebes atu hadia moris, nune’e liu husi koperasaun sira nee bele hadia ekonomia familiar no mos nasaun nian.
“Lori governo Timor leste nia Naran hatoo agradese l wain ba empregador Austrália nébe mak halo ona ba ita nia jo vem sira iha mil quinhentos i tal no ohin mai fali tan halo rektutamentu ba iha trabalhador 480 pessoas agradece tebes ba kompania ho esforsu tomak ajuda fali governo Timor hodi haruka Itá nia jovem sira ba servisu iha neba hodi bele hasa’e ekonomia Itá ninia familia uma laran no hasa’e mós ekonomia Itá nian nasaun nian no Itá bot sira nébe mak fila mai bele sai mos hanesan ema nébe mak Hari negosia kiik ida hodi bele ajuda fali Itá nia maluk dezempregu sira” katak SEFOPE
Iha fatin hanesan empregadora Austrália Louise Williams husi kompania nébe konesidu mos iha Austrália ho Naran madeck mos afirma katak, Liu husi sira nia avaliasaun servisu desempenho nian ba trabalhador sira nébe mak durante ne’e servisu ona iha sira nia kompania nee hatudu duni prestasaun diak tebes tanba ne’e mak madeck fila fali mai dala ida tan hodi rekruta tan Timor oan nain 480 hodi ba servisu.
“Liu husi rektutamentu nee, tanba hare ba trabalhador Timor oan nian desempenho servisu nian nee mak diak tebes no trabalhador Timor oan sira numeru nébe mak bot madeck emprega tiha ona nune’e iha tinan oin Madec bele mai fali tan halo rektutamentu” dehan empregadora Madeck Williams
Empregadora Madeck nee enkoraga nafatin jovem sira iha Timor leste nébe mak seidauk hetan oportunidade maibe husu para atu prepara an nafatin iha abilidade língua ingles nune tempu badak madeck sei mai fali tan halo rektutamentu.
“Mensagem husi Madeck nian ba ba jovem Timor oan sira nébe mak agora dadaun lá iha servisu no hakarak atu servisu mak tenki prepara-an didiak em termos de abilidade iha língua laos dehan katak tenki hatene língua diak Liu Maibe pelo menus tenki iha netik baziku” afirma nia
Enkuantu iha abertura teste nee SEFOPE husu ba trabalhador sira nébe mak servisu ona iha Austrália liu-liu kandidatus nain 480 nébe mak ohin atu halo teste nee karik liu ba servisu iha neeba husu atu labele halai ses husi sistema.
Reportagem: Abrão da Costa
