Díli, 18/03/2024 (LABEH) – Ministeíru Comersiu Indústria (MCI), sígla portuguesa, liu husi Diresaun Nasionál Komersiu Interna organiza bazar baratu ba sasan nesesidade Bázika nia iha Portu díli ba feira paskua nian iha tinan ne’e.
Vice Ministru Comersiu Indústria, Augostu Junior Trindade hatete, aktividade bazar baratu ne’e bele ajuda konsumidore sira atu hodi bele fó benifisiu diak ba iha ferias tempu paskua nia.
“Objektivo feira ne’e mak ohin hau dehan tiha ona katak, ne’e servisu rutina ministeiru komersiu industria nia wainhira iha âmbitu selebrasaun loron bo’ot ruma, ministeiru komersiu sempre hahú ho feira, feira ne’e atu hatete de’it katak organiza impreza sira,loja sira ne’ebe durante ne’e hala’o sira nia aktividade komersiu para bele mai partila sira nia negosiu ne’e ho komunidade,konsumidore sira ho presu ida ne’ebe ho rajuavél,” katak Vice Ministru Komersiu Indústria iha potu díli segunda-feira 18/03/2024
Governate ne’e haktuir, feiras ba loron tolu,hahú husi ohin to’o iha 20,atu hasoru paskua ho feira ida ne’e,iha produtu sira ne’ebe nesesidade báziku nia mak hanesan fo’os,mina,manu tolun,trigu ho masimidar, hakarak husik ba konsumidore sira atu bele mai asesu ho presu ida ne’ebe mak rajuavél.
Vice Ministru Akresenta , iha atividade feira ne’e, kompaña lubuk ida mak sei fa’an sasan bázika sira ho folin ne’ebe baratu kompara ho bain-bain fa’an iha loja sira.
“Agora ita iha ona kompaña ne’en (6) mak fa’an hela iha ne’e, ne’ebe orsida sei iha lubuk ida sei mai tan, no mós iha tan ita nia kompaña lokal sira mai ho produtu lokal sira,orsida sira mos sei mai,ne’ebe hanesan ohin ita dehan katak iha loron tolu ne’e la iha musika,tanba ne’e ita iha hela âmbitu ba loron bo’ot paskua nia ita atu tama ba kuaresma,entaun liu husi kanál ida ne’ebe ohin ita bo’ot sira mai iha ne’e halo kobertura ita sei fiar katak ema sei mai, tanba ita bo’ot sira sei lori informasaun sira ne’e hotu ba komunidade entaun sira rona no sira sei mai”, nia hakotu
Reportajen: Anitu Da Silva
